Rossiya hukumati Yevropa Ittifoqi (YI) davlatlari tomonidan kelishilgan mamlakatdan neft yetkazib berish narxining maksimal chegarasini tahlil qilmoqda, biroq uni qabul qilishni rejalashtirmayapti. Bu haqda Rossiya prezidenti matbuot kotibi Dmitriy Peskovga tayanib “Kommersant” xabar bermoqda.
Biz vaziyatni tahlil qilyapmiz. Bunday narx chegarasi uchun ba’zi tayyorgarlik ishlari olib borildi. Biz bu narx chegarasini qabul qilmaymiz va ish qanday tashkil etilishini tahlildan so‘ng ma’lum qilamiz, — dedi matbuot kotibi jurnalistlarga.
2-dekabr kuni Yevropa kengashi Rossiya neftining bir barreliga 60 dollardan narx chegarasini qayta ko‘rib chiqish mexanizmi bilan joriy etishni ma’qulladi.
Bu cheklov Yevropa Ittifoqi davlatlari tomonidan Ukrainadagi urushni moliyalashtirishni qiyinlashtirish maqsadida Rossiyaning iqtisodiy salohiyatini zaiflashtirish vositasi sifatida baholanmoqda.
Narx chegarasi Rossiya va Ukraina hukumati tomonidan tanqid qilindi.
Rossiya rasmiylari narxlarning yuqori chegarasini erkin bozor tamoyillarini buzuvchi cheklov sifatida baholadi va energiya resurslarini arzonroq narxda yetkazib berishning iloji yo‘qligi haqida ogohlantirdi.
Ukraina prezidenti devonining rahbari Andrey Yermakning aytishicha, “dushman iqtisodiyotini tezroq yo‘q qilish” uchun bir barrel neft narxining yuqori chegarasini 30 dollar qilib belgilash ikki baravar qimmatga tushardi.
Avvalroq Yevropa Ittifoqi Rossiya nefti uchun 60 dollarlik narx chegarasini belgilashga kelishib olgani haqida xabar berilgandi.
Izoh (0)