Yevropa Ittifoqi Rossiya nefti uchun 60 dollarlik narx chegarasini belgilashga kelishib oldi

Yevroittifoq Kengashi Rossiya neftining narxini qayta ko‘rib chiqish mexanizmi bilan bir barrel uchun 60 dollardan cheklash qarorini rasman tasdiqladi. Bu haqda Bloomberg xabar bermoqda. 

Bugun, 2-dekabr kuni narxlarning yuqori chegarasiga rozi bo‘lmagan yagona davlat — Polsha taklif qilingan choralarni ma’qulladi.

Elchilar hozirgina dengiz orqali tashiladigan Rossiya neftining narxini cheklash bo‘yicha kelishuvga erishdi. Yozma tartib amalga oshiriladi, qaror YIning rasmiy jurnalida e’lon qilinganidan so‘ng kuchga kiradi, — deyiladi Chexiyaning YI Kengashidagi raisligi Twitter’da.

AQSH g‘aznachiligi 1-dekabrdan boshlab Rossiya neftining narxi bir barrel uchun 60 dollar etib belgilanishini ma’lum qilgandi. 

Politico nashrining yozishicha, Polsha yuqori chegarani bir barrel uchun 30 dollar qilib belgilamoqchi edi.

Ayni paytda, 5-dekabrdan Rossiya neftiga cheklovlar kuchga kirishi munosabati bilan uni tashish narxi keskin oshadi. 

Bloomberg ma’lumotlariga ko‘ra, Boltiq dengizi va Hindiston o‘rtasidagi yuk tashish narxi 5-dekabrdan keyin yuklangan taqdirda, taxminan 15 million dollarni (barreliga 20 dollar) tashkil qilishi mumkin. Ilgari ular 9 million dollardan 11,5 million dollargacha bo‘lgan.