Yevroittifoqning 5-dekabrdan amalda bo‘ladigan sanksiyalari fonida neft tankeri egalari qo‘shimcha daromad olishga intilmoqda. Shu sababli Rossiya neftini tashish narxi keskin oshib bormoqda. Bu haqda Bloomberg xabar berdi.
Agentlik ma’lumotlariga ko‘ra, Rossiya neftini Boltiq dengizidan Hindistonga yetkazib beradigan kemaning o‘rtacha yuk stavkasi 9—11,5 million dollardan 15 million dollargacha (barreliga 20 dollar) oshishi mumkin.
Narxlarning oshishi Rossiya neftini tashuvchilar duch kelayotgan muammolarni aks ettiradi. Misol uchun, Gretsiyadagi ba’zi yirik tanker egalari Rossiyadan xomashyo tashishni to‘xtatadi.
Kemalarning kamligi va Rossiya neftini Yevropadagi an’anaviy xaridorlardan Osiyo va Yaqin Sharqdagi yangi xaridorlarga yo‘naltirish zarurati ham narxlarni oshirmoqda, — deb yozadi Bloomberg.
Agentlikning ta’kidlashicha, qimmat yuk tashish narxi, o‘z navbatida, portda Rossiyaning Urals neftining narxini pasaytiradi.
Yevroittifoqning Rossiyadan neft tashishga qo‘ygan embargosi 5-dekabrdan kuchga kiradi.
Yevropa Ittifoqi va G7 mamlakatlari banklar, sug‘urtachilar va portlarga Rossiya neftini sotib olish va sotishni moliyalashtirishni, kemalardagi yuklarni sug‘urtalashni yoki tankerdagi neft narxi belgilangan limitdan oshib ketgan taqdirda ularni tushirishni taqiqlaydi.
Izoh (0)