“Gazprom”ning MDHdan tashqari davlatlarga eksporti yil boshidan buyon yarmiga kamaydi

“Gazprom” 2022-yilning 11 oyi yakunlarini gaz qazib olish va yetkazib berish bo‘yicha sarhisob qildi. 

Unga ko‘ra kompaniyaning MDHdan tashqari davlatlarga gaz eksporti 95,2 milliard kub metrni tashkil etdi. Bu 2021-yilning shu davriga nisbatan kam 44,5 foizga kamdir. 

Yevropa Ittifoqida gaz iste’molining kamayishi dunyoda gazga bo‘lgan talabni kamaytirishning asosiy omiliga aylandi, deya ta’kidladi “Gazprom”. 

2022-yilning 11 oyi davomida, dastlabki hisob-kitoblarga ko‘ra, jahonda gazga bo‘lgan talab 55 milliard kub metrga kamaygan. Asosan Yevropa hisobiga. 

Mazkur davrda Yevropa Ittifoqining 27 davlatida gaz iste’molining kamayishi taxminan 50 milliard kub metrni tashkil etgan. 

“Gazprom”ning Yevropa gaz eksporti kamaygan bo‘lishiga qaramay, “Sibir qudrati” gaz quvuri orqali Xitoyga yetkazib berishi ortib bormoqda.

Avvalroq Germaniyaning Uniper kompaniyasi “Gazprom”ni 11,6 milliard yevrolik zarar uchun sudga bergan edi. “Gazprom” Uniper’ning zararni qoplash bo’yicha da’volarini noqonuniy deb hisoblashini ma’lum qilgan.