Евроиттифоқнинг 5 декабрдан амалда бўладиган санкциялари фонида нефть танкери эгалари қўшимча даромад олишга интилмоқда. Шу сабабли Россия нефтини ташиш нархи кескин ошиб бормоқда. Бу ҳақда Bloomberg хабар берди.
Агентлик маълумотларига кўра, Россия нефтини Болтиқ денгизидан Ҳиндистонга етказиб берадиган кеманинг ўртача юк ставкаси 9—11,5 миллион доллардан 15 миллион долларгача (баррелига 20 доллар) ошиши мумкин.
Нархларнинг ошиши Россия нефтини ташувчилар дуч келаётган муаммоларни акс эттиради. Мисол учун, Грециядаги баъзи йирик танкер эгалари Россиядан хом ашё ташишни тўхтатади.
Кемаларнинг камлиги ва Россия нефтини Европадаги анъанавий харидорлардан Осиё ва Яқин Шарқдаги янги харидорларга йўналтириш зарурати ҳам нархларни оширмоқда, — деб ёзади Bloomberg.
Агентликнинг таъкидлашича, қиммат юк ташиш нархи, ўз навбатида, портда Россиянинг Urals нефтининг нархини пасайтиради.
Евроиттифоқнинг Россиядан нефть ташишга қўйган эмбаргоси 5 декабрдан кучга киради.
Европа Иттифоқи ва G7 мамлакатлари банклар, суғуртачилар ва портларга Россия нефтини сотиб олиш ва сотишни молиялаштиришни, кемалардаги юкларни суғурталашни ёки танкердаги нефть нархи белгиланган лимитдан ошиб кетган тақдирда уларни туширишни тақиқлайди.
Изоҳ (0)