Kreml Zelenskiyning Qrimni qaytarish haqidagi bayonotiga munosabat bildirdi

Ukraina prezidenti Vladimir Zelenskiy Qrimni xoh harbiy, xoh diplomatik yo‘l bilan qaytarib olishga tayyorligini aytgandi. Kreml matbuot kotibi Dmitriy Peskov mazkur bayonotga munosabat bildirdi. Bu haqda “RIA Novosti” xabar berdi.

Peskovning so‘zlariga ko‘ra, Ukraina Qrimni kuch bilan qaytarish mumkinligi haqidagi pozitsiyasidan voz kechmagan. Rossiya uchun “hududining o‘zlashtirilishi” haqidagi bu masalani qabul qilib bo‘lmaydi.

“Boshidanoq prezident bu haqda bir necha bor gapirgan, hatto ‘maxsus operatsiya’ boshlanishidan oldin ham Ukraina konstitutsiyasida Qrim Ukrainaga kuch bilan qaytarilishi kerakligi ta’kidlangan. Ukraina esa buni rad etmadi, biz uchun bu Rossiya hududlarini begonalashtirish mavzusini muhokama qilishdan boshqa narsa emas. Buni boshqacha qabul qilib bo‘lmaydi”, — deydi Kreml rasmiysi.

Peskovning so‘zlariga ko‘ra, Rossiya ommaviy axborot vositalari Ukraina yetakchisining bayonotlari mohiyatini “mutlaqo noto‘g‘ri ko‘rsatgan”.

“Zelenskiy Qrimni harbiy yo‘l bilan emas, tinch muzokaralar yo‘li bilan hal qilishga tayyorligi kabi”, deyiladi xabarda.

Kreml matbuot kotibi bu mutlaqo noto‘g‘ri talqinligini qayd etgan. Peskov Zelenskiyning pozitsiyasi Kiyevning tinch yo‘l bilan yechim izlashni istamasligidan dalolat berishini ilgari surgan.

“Bunday bayonotlar yana bir bor Ukraina tomonining muammoni noharbiy usullar bilan hal qilishga tayyor emasligi, istamasligi va qodir emasligi haqida gapiradi”, — deya qo‘shimcha qilgan Peskov.

Mavzuga doir:

• Zelenskiy Ukraina Qrimni xoh harbiy, xoh diplomatik yo‘l bilan qaytarib olishga tayyorligini aytdi
• Ukraina Qrimni harbiy yo‘l bilan qaytarish masalasini o‘zi hal qilishi kerak — Pentagon
• Zelenskiy ma’muriyati Qrimni qaytarib olish bo‘yicha reja tayyorlamoqda — OAV