“Kelajakka qaytib” trilogiyasi yulduzi Maykl Jey Foks “Oskar” mukofoti bilan taqdirlandi. Governors Awards’ning taqdirlash marosimi 19-noyabr kuni Los-Anjelesda bo‘lib o‘tdi.
Maykl Foks Parkinson kasalligini o‘rganish va unga qarshi kurashdagi ilmiy ishlari uchun Jin Xersholt gumanitar mukofotini qo‘lga kiritgan. Aktyorda bu kasallik birinchi marta 1991-yilda, ya’ni 29 yoshida aniqlangan.
Foksga aktyor Vudi Xarrelson tomonidan “Oskar” mukofoti topshirildi, u hamkasbining komediya sohasidagi ist’dodini va dahshatli tashxisni “jasoratli missiya”ga aylantirgan qat’iyatini ta’kidlab o‘tdi. Foks tomoshabinlar va akademiyaga hurmat uchun minnatdorchilik bildirdi: “Men sizning mehribonligingizni chuqur kamtarlik bilan qabul qilaman”, — deydi aktyor.
Boshqa faxriy mukofotlarga “O‘lik shoirlar jamiyati” filmi rejissori Piter Uir, “Armageddon” taronasi bastakori Dayan Uorren va “Quruq oq fasl” kinokartinasi rejissori loyiq ko‘rildi. “Oskar” mukofotining asosiy taqdirlash marosimi 2023-yilning 12-martdan 13-martga o‘tar kechasi bo‘lib o‘tadi, nomzodlar 24-yanvar kuni e’lon qilinadi.
Mavzuga doir:
- “Kelajakka qaytib” ixlosmandlari uchun DeLorean Alpha5 taqdim etildi (foto).
- Video: “Kelajakka qaytib”dagi DeLorean’ning yog‘och nusxasini yasash jarayoni.
- “Kelajakka qaytib” yulduzlari Vashingtondagi muxlislar slyotida yana uchrashdi.
- “Kelajakka qaytib” filmi yulduzi Maykl Jey Foks memuar taqdim qildi. Unda Parkinson kasalligi va pandemiya haqida hikoya qilingan.
Izoh (0)