Butun dunyoga mashhur rolga ega bo‘lish tinimsiz kastinglarga boradigan har qanday aktyorning ezgu orzusidir. Biroq agar kimningdir kastingda omadi kelgan bo‘lsa, taqdirning boshqalar uchun o‘ziga xos rejalari bor.
Xarrison Ford — “Yulduzlar jangi”
Xarrison Ford aktyorlik qobiliyati uchun emas, duradgorligi tufayli filmda rol o‘ynashga muvaffaq bo‘ladi. Xan Solo rolining bo‘lajak ijrochisiga Jorj Lukasning ofisida kichik ta’mirlash ishlarini olib borayotganida “Yulduzlar jangi”da o‘ynash taklif qilinadi. Fordning so‘zlariga ko‘ra, aktyor rejissorga to‘g‘ri tanlov qilishga yordam beryapman, deb o‘ylagan, chunki bu rol uchun yana 5 ta munosib da’vogar bor edi.
Jonni Depp — “Ko‘chadagi dahshat”
Jonni Depp o‘zining birinchi rolini “Ko‘chadagi dahshat” filmi rejissorining qizi tufayli olishga muvaffaq bo‘ladi. So‘nggi qarordan oldin Ues Kreyven qizini potensial aktyorlar fotosuratlarini ko‘rishga taklif qiladi. Qiz hech ikkilanmasdan Jonnining suratini ko‘rsatadi.
Jonni Deppning o‘zi tanlovda umuman qatnashmoqchi emas edi: bo‘lajak Jek Chittak kastingga faqat do‘stini qo‘llab-quvvatlash uchun kelgandi.
Charli Xannem — “Beyker-grouv”
Charli Xannem poyabzal do‘konidan chiqqan notanish ayolga havodan bo‘sa yuboradi, aslida esa o‘sha ayol film prodyuseri edi. Xonim yoqimli imo-ishorani qadrlaydi va Xannemning e’tiboriga javoban uni kult serial kastingiga taklif qiladi.
Tom Xardi — “Jangchi”
Tom Xardi “Jangchi” filmidagi orzu qilingan rol kastingida qatnashish o‘rniga to‘g‘ridan to‘g‘ri kasting direktorining uyiga borib, u bilan 5 kun yashaydi. Shu yo‘l bilan Tom Xardi katta filmga omad kalitini qo‘lga kiritadi.
Samuel L. Jekson — “Jinoiy asar”
Samuel L. Jekson “Jinoiy asar” filmidagi ajoyib rolni kastingga kelganida kayfiyati yomon bo‘lgani uchun ham qo‘lga kiritadi. Bir kun oldin aktyorni Lorens Fishbern bilan adashtirishgani yoqmaydi, shu hol yangi kastingda ham takrorlanganda Jekson g‘azablanadi. Yaxshiyamki, film prodyuserlariga Samuelning jahli chiqqandagi yuz ifodasi yoqadi va unga rolni taklif qilishadi.
Rozario Douson — “Bolalar”
Rozario Douson bir kunda mashhur bo‘lib uyg‘onishi uchun uyidan tashqariga chiqishga ham hojat qolmaydi. Qiz 15 yoshdaligida o‘tirish uchun uyining ayvoniga chiqadi, o‘sha paytda uni yaqin atrofda yurgan ssenariy muallifi va fotosuratchi payqab qoladi. Rozarioning birinchi roli shov-shuvli bo‘ladi, aynan shu rol intiluvchan aktrisa uchun aktyorlik karyerasiga tramplin bo‘ladi.
Mel Gibson — “Telba Maks”
Avstraliyalik aktyor Mel Gibson “Telba Maks” filmida rol o‘yanganida Gollivud tajribasiga ega emas edi. Biroq rejissor aktyorga o‘ylab ham o‘tirmasdan rol taklif qiladi: bir kun avval mahalliy kafedagi mushtlashuv tufayli Gibsonning yuzi ko‘kargan edi, rejissor uni mukammal yovuz qahramon sifatida ko‘radi.
Sharliz Teron — “Makkajo‘xori bolalari-3”
Sharliz Teron o‘zining birinchi rolini bankda chekni naqd qilishdan bosh tortgan kassir bilan tortishishi tufayli oladi. “Agar men o‘sha chekni naqd qilmaganimda, tunda uxlaydigan joyim bo‘lmasdi. Va keyin men kassirga yolvorishni boshladim”. Yaxshiyamki, navbatda turgan kino agenti emotsional mallasoch ayolni payqab qoladi va unga o‘zini kinoda sinab ko‘rishni taklif qiladi.
Mavzuga doir:
Izoh (0)