“Daryo” internet-nashri Toshkent shahri hokimligi qoshidagi Jamoatchilik kengashi bilan birgalikda “Mahalla. Muammo. Mulohaza” loyihasini taqdim etib kelmoqda. Loyihaning 7-son mavzusi “Mahalla futboli” bo‘lib, dastur mehmoni sifatida sport jurnalisti va sharhlovchi Davron Fayziyev taklif etildi.
Davron Fayziyev bolalar futbolidagi korrupsiya, tanish-bilishchilik, murabbiylarning moddiy manfaat evaziga adolatsiz qarorlar qabul qilishi holatlariga to‘xtalib o‘tdi.
Vijdonsiz murabbiylar ham bor, buni tan olish kerak. Mablag‘ uchun adolatsiz qarorlar chiqarib, talantlarni chetga surib qo‘yib, sharoiti yaxshi bolalarga ko‘proq e’tibor qaratishadi.Uning ta’kidlashicha, ambitsiyaga ega bo‘lgan murabbiylar ham bor. Ular talantlarni yetishtirib chiqarishdan manfaatdor.Endi bu ularning o‘ziga havola. Kelajakda yaxshi mutaxassis bo‘lish ambitsiyasi yo‘q unaqa murabbiylarda, bugungi kun bilan yashashadi. Futbol — kollektiv sport turi, baribir hamma biladi kimning adolat bilan, to‘g‘ri ishlayotganini. Ertaga hammasi yuzaga chiqadi va ko‘pincha bunaqa murabbiylarning futboldagi umri qisqa bo‘ladi. Ular hurmatga, natijaga va yutuqqa erishmaydi. Ular o‘sha darajada qolib ketadi, — deydi dastur mehmoni.
Ular qattiqqo‘llik, imkoniyati past bo‘lgan bolalarni jamoada chiqarib yuborishadi, lekin o‘z ishiga professional yondashadi. Mana shunday murabbiylarni ko‘paytirishimiz kerak, asosiy maqsadimiz shu, — deya qo‘shimcha qildi Davron Fayziyev.
Ko‘rsatuvni to‘liq tarzda “Daryo”ning YouTube’dagi sahifasi orqali tomosha qilish mumkin.
Izoh (1)
Karrupsiyani yoqmaguncha natijaga erishish qyn ozbekstonda tansh blsh chli rvojlanga haqiqiy talantla fudbol oynashi uchun pul kere sharoiti tori kemidgan puli yoq qiynalgan talantla kochada kra qladi yo sartaroshli qvotti magazin yurgzadi