Toshkentdagi xususiy maktabda o‘qituvchi 5-sinf bolasiga kuch ishlatgani bo‘yicha tekshiruv boshlandi

Toshkentdagi xususiy maktabda o‘qituvchi o‘quvchiga kuch ishlatgani aks etgan video ijtimoiy tarmoqlarda turli muhokamalarga sabab bo‘lgandi. Poytaxt IIBB holat yuzasidan tekshiruv olib borilayotganini ma’lum qildi.

Xabarda aytilishicha, mazkur video Toshkent shahar IIBB tomonidan o‘rganilganda, voqea 11-noyabr kuni Chilonzor tumanida joylashgan xususiy maktablardan birida sodir bo‘lgani aniqlangan.

5-sinf o‘quvchilari uchun o‘tilayotgan dars jarayonida o‘qituvchi — 1989-yilda tug‘ilgan A.N. o‘quvchilarga qo‘pol muomalada bo‘lib, qo‘lini qayirib, qulog‘idan tortgan.

Mazkur holat yuzasidan Chilonzor tumani IIO FMB tomonidan tergovga qadar tekshiruv o‘tkazilmoqda. Tekshiruv yakuni bo‘yicha qonuniy qaror qabul qilinishi ta’minlanadi.

Mavzuga doir: Toshkentdagi maktabda o‘quvchiga qo‘l ko‘targan o‘qituvchiga intizomiy chora ko‘rildi