Samarqand viloyati Kattaqo‘rg‘on tumanida 21-noyabr kuni odam o‘limi bilan bog‘liq yo‘l-transport hodisasi sodir bo‘ldi. Bu haqda Yo‘l harakati xavfsizligi boshqarmasi xabar qildi.
Qayd etilishicha, holat shu kuni soat 13:00 larda Kattaqo‘rg‘on tumani “Mullako‘rpa” mahallasi hududidan o‘tuvchi ichki yo‘lda sodir bo‘lgan. Haydovchi B.K. (1984-yilda tug‘ilgan) yuqori tezlikda Lada Granta avtomobilida harakatlanayotib, oldinda bo‘lgan haydovchi M.G‘. (1978-yilda tug‘ilgan) boshqaruvidagi Cobalt avtomobilining orqa tomoniga qattiq zarb bilan urilgan.
Voqea atrofida bo‘lgan:
- haydovchi L.D. (1992-yilda tug‘ilgan) boshqaruvidagi Damas;
- haydovchi S.M. (1996-yilda tug‘ilgan) boshqaruvidagi Lacetti;
- haydovchi D.S. (1978-yilda tug‘ilgan) boshqaruvidagi Tico avtomobillari to‘qnashuv ishtirokchisiga aylangan.
Holat yuzasidan Jinoyat kodeksining 266-moddasi (transport vositalari harakati yoki ulardan foydalanish xavfsizligi qoidalarini buzish) 2-qismi bilan jinoyat ishi qo‘zg‘atilgan. Hozirda dastlabki tergov harakatlari olib borilmoqda.
Izoh (0)