Shavkat Mirziyoyev Parijga yetib borgach, Fransiya taraqqiyot agentligi rahbariyati (xususan, agentlik bosh ijrochi direktori Remi Riu) bilan uchrashuv o‘tkazmoqda. Bu haqda prezident matbuot kotibi xabar berdi.
Qayd etilishicha, muzokaralar yakunida umumiy qiymati 1 milliard yevrodan ziyod bo‘lgan “yashil” iqtisodiyot va xususiy sektor loyihalarini amalga oshirish ko‘zda tutilgan 2025-yilgacha strategik hamkorlik dasturi qabul qilinishi kutilmoqda.
Uchrashuvda davlat-xususiy sheriklik mexanizmlarini joriy qilishga alohida e’tibor qaratilmoqda.
O‘zbekiston hukumati va Fransiya taraqqiyot agentligi o‘rtasida qishloq xo‘jaligi, energetika, “yashil” iqtisodiyot, shaharlarni rivojlantirish, suv ta’minoti, bank-moliya va transport sohalarida aniq loyihalarni amalga oshirishni nazarda tutadigan umumiy qiymati 1 milliard yevrodan ortiq bo‘lgan 2025-yilgacha strategik hamkorlik dasturini imzolash marosimi bo‘lib o‘tdi.
Ma’lumot uchun, tashrif kunlari Fransiya poytaxtidagi jahonga mashhur Luvr muzeyi va nufuzli Arab dunyosi institutida O‘zbekistonning boy madaniy va tarixiy merosiga bag‘ishlangan “O‘zbekiston vohalari xazinalari. Karvon yo‘llari chorrahasida” va “Samarqandga yo‘l. Ipak va oltin mo‘jizalari” noyob ko‘rgazmalar ochiladi.
Davlat rahbarining Fransiyaga rasmiy tashrifi davomida ta’lim, ilm-fan, madaniy meros, fuqaro aviatsiyasi, davlat xizmati va korrupsiyaga qarshi kurashish sohalarida hamkorlikka oid 14 ta hujjat imzolanishi rejalashtirilgan.
Mavzuga doir: Shavkat Mirziyoyev rafiqasi bilan Fransiyaga yetib bordi (foto)
Izoh (0)