Birlashgan Millatlar Tashkiloti Qirg‘izistonga kambag‘allikdan qutulish va oziq-ovqat xavfsizligini qo‘llab-quvvatlash uchun 90 million dollar ajratadi, deb xabar bermoqda Kloop.
Mablag‘lar BMTning besh yillik Jahon oziq-ovqat dasturi doirasida ajratiladi. Yana 15 million dollar kambag‘allikka qarshi faol kurashga qaratilgan loyihalar uchun beriladi.
So‘nggi uch yilda Qirg‘izistonda kambag‘allik darajasi sezilarli darajada oshdi – 2021-yilda bu ko‘rsatkich 33,3 foizga yetgan.
Jahon oziq-ovqat dasturining ikkinchi sessiyasida Qirg‘iziston mehnat vaziri Vazir Kudaybergen Bazarbayev mamlakat kambag‘allikka qarshi qanday kurashayotgani haqida gapirdi. Uning so‘zlariga ko‘ra, 9 oy davomida 131 mingdan ortiq daromadi kam qirg‘izistonlik vazirlikning turli loyihalari ishtirokchisiga aylangan.
“2022-yilning atigi 9 oyida 131 mingdan ortiq kam ta’minlangan qirg‘izistonlik yoki 30,5 ming kam ta’minlangan oila Qirg‘iziston respublikasi Mehnat, ijtimoiy ta’minot va migratsiya vazirligining turli loyihalarida ishtirok etish imkoniyatiga ega bo‘ldi. 105,5 ming oila kam ta’minlanganlik uchun nafaqa olishini inobatga olsak, kam ta’minlangan oilalarning deyarli har uchdan birini kambag‘allikni bartaraf etish chora-tadbirlari bilan qamrab olishga muvaffaq bo‘ldik, deb aytishimiz mumkin”, — dedi Bazarbayev o‘z chiqishida.
Izoh (0)