Bir qarashda aktyorning ishi unchalik qiyin emasdek tuyiladi – ssenariyni o‘qib, rolini ijro etadi. Ammo suratga tushish jarayoni xavfdan xoli emas. Albatta, suratga olish maydonchasida har doim xavfsizlikni nazorat qiluvchi mutaxassislar bo‘ladi, lekin inson hamma narsadan sug‘urtalana olmaydi va hayot oldindan aytib bo‘lmaydigan kutilmagan hodisalarga boy. People Talk nashri suratga olish maydonchasida vafot etishiga bir baxya qolgan Gollivud yulduzlari haqida so‘z yuritdi.
Brendan Freyzer
Brendanning mahoratiga qoyil qolmaslikning iloji yo‘q. Ammo rolga shu darajada kirishib ketish ham aktyor uchun xavfli bo‘lishi tabiiy. “Mo‘miyo” filmining suratga olish maydonchasida aktyor o‘z personaji osilishi kerak bo‘lgan kadr imkon qadar real bo‘lishini xohladi, biroq u o‘zini ham osib qo‘yishiga oz qoldi.
Jeki Chan
Bu holat tomoshabinlarni hayratda qoldirmaydi, chunki aktyor o‘z filmlaridagi aksariyat sahnalarni o‘zi ijro etishi bilan mashhur. Hattoki Jekining deyarli barcha suyaklari suratga tushish jarayonida shikastlanganiga ishonish mumkin. “Mo‘jizaviy aslahalar” filmining suratga olish maydonchasida kaskadyori bilan almashgan aktyor sahnalardan birida toshga yiqilib, bosh suyagini sindirib olgan.
Angus Klaud
“Eyforiya” yulduzi suratga olish maydonchasida emas, balki haqiqiy hayotda jarohat olgan. Angus 14 yoshida tasodifan chuquriga tushib ketgan, natijada bir necha barmoqlari bilan bosh suyagini sindirgan. O‘sha baxtsiz hodisadan qolgan chandiq aktyorning o‘ziga xos belgisiga aylangan.
Silvestr Stallone
Aktyor karyerasi davomida bir necha bor jarohat olgan bo‘lsa-da, ulardan aynan bittasi ko‘proq yodida qolgan. “Rokki 4” filmini suratga olish paytida, ring sahnasida u partnyoridan uni haqiqiy urishni so‘radi. Natijada aktyorning ko‘krak qafasiga shunday kuchli zarba berildiki, u to‘qqiz kun reanimatsiyada yotdi.
Xolli Berri
“Favqulodda qo‘ng‘iroq” filmini jangovar film deb hisoblash qiyin bo‘lsa-da, suratga olish paytida aktrisa jiddiy jarohat oldi. Jang sahnasini suratga olish vaqtida Xolli yiqilib, boshini beton polga qattiq urib olgan. Shundan so‘ng aktrisa kasalxonada uyg‘ondi va shifokorlar unda miya jarohatlarini qayd etmadi.
Mavzuga doir:
Izoh (0)