Бир қарашда актёрнинг иши унчалик қийин эмасдек туйилади – сценарийни ўқиб, ролини ижро этади. Аммо суратга тушиш жараёни хавфдан холи эмас. Албатта, суратга олиш майдончасида ҳар доим хавфсизликни назорат қилувчи мутахассислар бўлади, лекин инсон ҳамма нарсадан суғурталана олмайди ва ҳаёт олдиндан айтиб бўлмайдиган кутилмаган ҳодисаларга бой. People Talk нашри суратга олиш майдончасида вафот этишига бир бахя қолган Голливуд юлдузлари ҳақида сўз юритди.
Брендан Фрэйзер
Бренданнинг маҳоратига қойил қолмасликнинг иложи йўқ. Аммо ролга шу даражада киришиб кетиш ҳам актёр учун хавфли бўлиши табиий. «Мўмиё» фильмининг суратга олиш майдончасида актёр ўз персонажи осилиши керак бўлган кадр имкон қадар реал бўлишини хоҳлади, бироқ у ўзини ҳам осиб қўйишига оз қолди.
Жеки Чан
Бу ҳолат томошабинларни ҳайратда қолдирмайди, чунки актёр ўз фильмларидаги аксарият саҳналарни ўзи ижро этиши билан машҳур. Ҳаттоки Жекининг деярли барча суяклари суратга тушиш жараёнида шикастланганига ишониш мумкин. «Мўъжизавий аслаҳалар» фильмининг суратга олиш майдончасида каскадёри билан алмашган актёр саҳналардан бирида тошга йиқилиб, бош суягини синдириб олган.
Ангус Клауд
«Эйфория» юлдузи суратга олиш майдончасида эмас, балки ҳақиқий ҳаётда жароҳат олган. Ангус 14 ёшида тасодифан чуқурига тушиб кетган, натижада бир неча бармоқлари билан бош суягини синдирган. Ўша бахтсиз ҳодисадан қолган чандиқ актёрнинг ўзига хос белгисига айланган.
Силвестр Сталлоне
Актёр карьераси давомида бир неча бор жароҳат олган бўлса-да, улардан айнан биттаси кўпроқ ёдида қолган. «Рокки 4» фильмини суратга олиш пайтида, ринг саҳнасида у партнёридан уни ҳақиқий уришни сўради. Натижада актёрнинг кўкрак қафасига шундай кучли зарба берилдики, у тўққиз кун реанимацияда ётди.
Холли Берри
«Фавқулодда қўнғироқ» фильмини жанговар фильм деб ҳисоблаш қийин бўлса-да, суратга олиш пайтида актриса жиддий жароҳат олди. Жанг саҳнасини суратга олиш вақтида Холли йиқилиб, бошини бетон полга қаттиқ уриб олган. Шундан сўнг актриса касалхонада уйғонди ва шифокорлар унда мия жароҳатларини қайд этмади.
Мавзуга доир:
Изоҳ (0)