O‘zbekistonda so‘m 2022-yilning oktabr oyida o‘tgan oyga nisbatan o‘suvchi dinamika qayd etib, 0,7 foizga mustahkamlandi. Bu haqda Markaziy bank xabar bermoqda (pdf).
O‘zbek so‘mi 2021-yil mos davriga nisbatan 3,5 foizga, bazaviy davr — 2019 yilning sentyabriga nisbatan esa 7,8 foizga mustahkamlandi.
Oktabrda O‘zbekiston so‘mining qadri oshishi asosan savdo-hamkor davlatlar valyuta kurslarining yuqori sur’atlarda qadrsizlanishi hamda ichki inflyatsiya ta’siri bilan izohlanadi.
Mazkur indeksni oshiruvchi omillar bo‘lib:
- savdo-hamkor davlatlarning valyuta kurslari o‘zgarishi – 1,5 foiz band;
- ichki inflyatsiya — 1,2 foiz band xizmat qilgan.
Pasaytiruvchi omillar bo‘lib;
- savdo-hamkor davlatlar inflyatsiyasi – 0,9 foiz band;
- milliy valyuta kursining o‘zgarishi — 1,1 foiz band hissa qo‘shdi.
Asosiy savdo-hamkor davlatlarning valyuta kurslari oktabr oyida AQSH dollariga nisbatan quyidagicha dinamika ko‘rsatdi:
Rossiya rubli ushbu oyida 3 foizga qadrsizlandi (1 AQSH dollari 60 rubldan 61,8 rublga). Bunda Rossiya iqtisodiyotiga nisbatan qo‘llanilishi kutilayotgan navbatdagi sanksiyalar ta’sir ko‘rsatdi.
Qozog‘iston tengesi oktabr oyida 0,7 foizga mustahkamlandi (1 AQSH dollari 475,7 tengedan 472,4 tengega). Qisqa muddatli davrda tenge kursining tebranuvchanligi jaxon xomashyo bozorlaridagi holatga hamda geosiyosiy vaziyatga bog‘liq bo‘ladi.
Oktabr oyida turk lirasi 1,5 foizga qadrsizlandi (1 AQSH dollari 18,3 liradan 18,6 liraga). Inflyatsiyaning yuqori sur’atlarda tezlashishiga qaramasdan Turkiya markaziy bankining yumshoq pul-kredit siyosati olib borayotganligi lira kursining qadrsizlanishiga sabab bo‘ldi.
Xitoy yuani kursi mazkur oyda 2,5 foizga qadrsizlandi (1 AQSH dollari 7 yuandan 7,2 yuanga). AQSH Federal rezerv tizimi tomonidan asosiy stavkaning ketma-ket ko‘tarilishi, dollar indeksining yuqorilashi yuan kursiga salbiy bosim ko‘rsatdi.
Izoh (0)