Fransiya poytaxti Parij shahrida 18—19-noyabr kunlari o‘zbek-fransuz biznes forumi bo‘lib o‘tmoqda. Tadbir doirasida bir qator amaldorlar va investorlar O‘zbekistonga sarmoya kiritish borasidagi fikrlari bilan o‘rtoqlashdi.
Jumladan, Fransiya savdo vaziri-delegati, O‘zbekiston—Fransiya ishbilarmonlar kengashi raisi Oliver Besht biznes-forumning ochilishida so‘zlagan nutqida O‘zbekistonda amalga oshirilayotgan o‘zgarishlarga to‘xtaldi.
“Bugun O‘zbekiston puxta o‘ylangan rivojlanish strategiyasi bilan mashhur bo‘lib, uning samaradorligi turli soha va tarmoqlardagi kompaniyalar e’tiborini tortmoqda. Aytishim kerakki, bu yerda imkoniyatlardan ko‘ra ko‘proq – so‘nggi yillarda amalga oshirilgan keng ko‘lamli islohotlar iqtisodiyotni dunyoga ochish va uni xorijiy investorlar uchun yanada jozibador qilish imkonini berdi. Bu islohotlar iqtisodiyotning barqaror o‘sish sur’atlarini ta’minlashda nafaqat ijobiy samara berdi, balki sanoatning turli tarmoqlarini modernizatsiya qilishga ham turtki bo‘ldi.
Boshqacha aytganda, O‘zbekiston va Fransiya o‘rtasidagi o‘zaro hamkorlikning mavjud salohiyati ikki mamlakat aholisi manfaatlaridan kelib chiqqan holda iqtisodiyotning barcha muhim tarmoqlarini qamrab olishi mumkin.
Bizning maqsadimiz — sa’y-harakatlarni birlashtirish va yangi loyihalar yaratish, biznesni yanada rivojlantirish masalasiga konstruktiv yechim topishga qaratilgan muloqotni rag‘batlantirishdir”, — deydi Oliver Besht.
Izoh (0)