Samarqandda 40 ming dollar evaziga Turkiya va Yaponiya orqali AQSHga yuborishni va’da qilgan shaxslarga jinoyat ishi qo‘zg‘atildi. Bu haqda viloyat IIB matbuot xizmati xabar berdi.
Ma’lum qilinishicha, viloyat IIB xodimlari DXX Samarqand viloyati boshqarmasi bilan hamkorlikda tezkor tadbir o‘tkazilgan. Tadbir davomida Payariq tumanida yashovchi, 1992-yilda tug‘ilgan N. mahalliy fuqaroni soxta hujjatlar asosida AQSHga yuborish uchun undan talab qilgan 40 ming dollardan 10 ming dollar va uning xorijiy pasportini talab qilib olayotganida ushlangan.
Fuqaro ushbu jinoyatni 1994-yilda tug‘ilgan tanishi, Toyloq tumanida yashovchi U.A. bilan til biriktirgan holda amalga oshirayotgani aniqlangan.
Ushbu shaxslarga nisbatan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari olib borilmoqda.
Bundan avval Navoiyda pul evaziga AQSHga ishga yubormoqchi bo‘lgan shaxs qo‘lga olingandi.
Mavzuga doir:
Izoh (0)