Самарқандда 40 минг доллар эвазига Туркия ва Япония орқали АҚШга юборишни ваъда қилган шахсларга жиноят иши қўзғатилди. Бу ҳақда вилоят ИИБ матбуот хизмати хабар берди.
Маълум қилинишича, вилоят ИИБ ходимлари ДХХ Самарқанд вилояти бошқармаси билан ҳамкорликда тезкор тадбир ўтказилган. Тадбир давомида Пайариқ туманида яшовчи, 1992 йилда туғилган Н. маҳаллий фуқарони сохта ҳужжатлар асосида АҚШга юбориш учун ундан талаб қилган 40 минг доллардан 10 минг доллар ва унинг хорижий паспортини талаб қилиб олаётганида ушланган.
Фуқаро ушбу жиноятни 1994 йилда туғилган таниши, Тойлоқ туманида яшовчи У.А. билан тил бириктирган ҳолда амалга ошираётгани аниқланган.
Ушбу шахсларга нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.
Бундан аввал Навоийда пул эвазига АҚШга ишга юбормоқчи бўлган шахс қўлга олинганди.
Мавзуга доир:
Изоҳ (0)