Markaziy harbiy klinik gospitalida o‘tkazilgan jarrohlik amaliyotlari bo‘yicha ma’lumot berildi

Markaziy harbiy klinik gospitalida Turkiya, Koreya, Hindiston va Germaniya mutaxassislari hamkorligida 400 ga yaqin yuqori texnologik jarrohlik amaliyoti o‘tkazildi. Bu haqda AOKAda Mudofaa vazirligi mutasaddilari ishtirokida o‘tkazilgan matbuot anjumanida ma’lum qilindi.

Xabar qilinishicha, harbiy gospitallar faoliyatiga yuqori texnologiyalarni tatbiq etish natijasida Markaziy harbiy klinik gospitalida buyrakni ko‘chirib o‘tkazish amaliyoti muvaffaqiyatli amalga oshirildi. Shuningdek, gospital mutaxassislari tomonidan 2 nafar bemorda ishlab turgan yurakda aorta-koronar shuntlash yuqori texnologik jarrohlik amaliyoti o‘tkazilib, ularning hayotini uzaytirishga erishildi.

Tibbiy kadrlarning malakasi va ko‘nikmalarini oshirish bo‘yicha 2022-yilda 237 nafar tibbiyot xodimi respublika va xorijdagi tibbiyot markazlari va akademiyalarida tahsil oldi. Bugungi kunda 4 nafar harbiy shifokor AQSHda malaka oshirmoqda.

Mavzuga doir: “Bizdagi jarroh xususiy klinikalarda ham faoliyat yuritadi”. Mudofaa vazirligi askar yigit harbiy gospitalda emas, xususiy klinikada operatsiya qilinganiga izoh berdi