Марказий ҳарбий клиник госпиталида Туркия, Корея, Ҳиндистон ва Германия мутахассислари ҳамкорлигида 400 га яқин юқори технологик жарроҳлик амалиёти ўтказилди. Бу ҳақда АОКАда Мудофаа вазирлиги мутасаддилари иштирокида ўтказилган матбуот анжуманида маълум қилинди.
Хабар қилинишича, ҳарбий госпиталлар фаолиятига юқори технологияларни татбиқ этиш натижасида Марказий ҳарбий клиник госпиталида буйракни кўчириб ўтказиш амалиёти муваффақиятли амалга оширилди. Шунингдек, госпитал мутахассислари томонидан 2 нафар беморда ишлаб турган юракда аорта-коронар шунтлаш юқори технологик жарроҳлик амалиёти ўтказилиб, уларнинг ҳаётини узайтиришга эришилди.
Тиббий кадрларнинг малакаси ва кўникмаларини ошириш бўйича 2022 йилда 237 нафар тиббиёт ходими республика ва хориждаги тиббиёт марказлари ва академияларида таҳсил олди. Бугунги кунда 4 нафар ҳарбий шифокор АҚШда малака оширмоқда.
Изоҳ (0)