Uch oyoqli buzoq Saymon va bahaybat toshbaqa Leonardo uchrashguniga qadar ko‘p qiyinchiliklarni boshdan kechirishgan. Ularning do‘stligi baxtni hatto eng qorong‘i paytlarda ham topish mumkinligini isbotlaydi, deb yozadi AdMe nashri.
Leonardo hayvonot bog‘i yopilgach uyidan ayrildi
Toshbaqa Leonardo Tailandning Bangkok shahridagi yopilgan hayvonot bog‘idan olib ketilganida, uni nima kutayotganini bilmas edi. U 2013-yilda Tailanddagi Wildlife Friends Foundation hayvonlarni qutqarish markaziga olib kelingan. Leonardo asta-sekin yangi hayotga ko‘nikdi va tez orada yolg‘iz qolmasligini bilmas edi.
Buzoq Saymon uzumzor butalariga tiqilib qoldi
Saymon 2016-yilda kichkinagina buzoqcha edi. U uzumzor butalariga tiqilib qolganda oyog‘idan ayrilgan. Yordamga Tailandning Yovvoyi tabiat do‘stlari jamg‘armasi vakillari keldi. Tashkilot xodimlari unga protez oyoq yasadi va buzoqchani hayvonlar qo‘riqxonasiga olib bordi. Saymon oyog‘ini yo‘qotdi, biroq yangi, yaxshi do‘st topishi kerak edi.
Ko‘p o‘tmay buzoqcha bilan toshbaqa uchrashib qoldi
Qutqaruvchilar Saymonni qo‘riqxonadagi boshqa buzoqlar bilan tanishtirishni rejalashtirishdi. Biroq buzoqchaning boshqa rejalari bor edi.
“Biz uni vaqtincha yashashi mumkin bo‘lgan Tailanddagi Wildlife Friends Foundation qutqaruv markazi hududidagi katta ochiq maydonga joylashtirishga qaror qildik”, — deb yozadi Tailanddagi Wildlife Friends Foundation markazi vakillari.
“Keyin uni yana ikkita qutqarilgan buzoqlar bo‘lgan dalaga ko‘chirmoqchi edik. Biroq keyin Saymon Leonardoni ko‘rdi va uni yolg‘iz qoldirmasligini tushundi. Bizni ajablantiradigan narsa shundaki, buzoqcha darhol toshbaqaga bog‘lanib qoldi”, — dedi Tailanddagi Wildlife Friends Foundation xodimlari.
Buzoq va toshbaqa tez-tez bir-birining ortidan ergashadi, birga ovqatlanadi va dam oladi. Xodimlar va butun dunyo bunday kutilmagan do‘stlikdan xursand bo‘ldi. Ushbu hayvonlar tufayli o‘zaro mehrning paydo bo‘lishi uchun tashqi ko‘rinish emas, ichki fazilatlar muhimligini yodga olish mumkin.
“Umid qilamizki, bu g‘ayrioddiy do‘stlik yanada mustahkam bo‘ladi”, — deydi Tailanddagi Wildlife Friends Foundation vakillari. Ularning qanday do‘st ekanini quyidagi video orqali ko‘rish mumkin.
Izoh (0)