Britaniyalik ayol Tess Kristian o‘n yoshida hech qachon tabassum qilmaslikka qaror qildi. U go‘zal bo‘lish va yuziga birorta ajin tushmasligi uchun 47 yil kulmadi.
Tasodifan bo‘lsa ham tabassum qilmaslik uchun britaniyalik ayol o‘zining mimikasini boshqarishga qancha kuch sarflagani hayratlanarli holat. Biroq o‘nlab yillar davomida u o‘zini o‘zi boshqarish qobiliyatini mukammal darajada rivojlantirdi.
Hozirda Kristian 57 yoshda, uning yuz terisi haqiqatan ham juda tekis va silliq. Ayol o‘rtacha yoshdagi tengdoshlariga qaraganda ancha yoshroq ko‘rinishini tan olish kerak. Biroq britaniyalik ayol go‘zal bo‘lish uchun ukollar qildirgan bo‘lishi mumkin.
Kristian o‘z usulini botoks bilan solishtirganda ancha tejamkor va “insoniy” deb hisoblaydi. Shifokorlar va psixologlar tabassumni haqiqiy go‘zallik uchun eng yaxshi retseptlardan biri deb biladi, bu usulni qo‘llashga qarshilik bildiradi.
Tess Kristianning usulini qisman samarali deb hisoblash mumkin. Vaqt o‘tishi bilan har qanday teri elastikligini yo‘qotadi va ichkaridan yangilanishni to‘xtatadi. Shunday qilib, ajinlar, hatto his-tuyg‘ularni to‘liq blokirovka qilish bilan ham vaqt o‘tishi bilan terida o‘zgarishlar yuzaga keladi.
Mavzuga doir:
Izoh (0)