“O‘g‘il bolalar yig‘lamaydi” va “Million dollarlik chaqaloq” filmlaridagi rollari uchun “Oskar” mukofotiga sazovor bo‘lgan 48 yoshli aktrisa Hilari Suenk yaqinda ona bo‘lishini e’lon qildi. Ilk bor ona bo‘ladigan aktrisa egizak farzandlarni dunyoga keltiradi. Hilari farzand kutayotgani aks etgan suratni muxlislariga ko‘rsatdi.
Hilari Suenk ijtimoiy tarmoqlarga uyida “Mening kichkina qovoqchalarim” deb yozilgan futbolkada tushgan suratini joylashtirdi.
“Bu haqda gapirish va quvonchimni baham ko‘rish juda yoqimli”, — deydi ona bo‘lishini uzoq vaqt sir saqlagan Hilari. Aktrisa “Alaska Daily” yangi serialida rol o‘ynadi va suratga olish guruhi yaqin vaqtgacha hech narsadan shubhalanmadi.
“Bir payt kiyimlar menga sig‘may qoldi, boshqa kuni jinsilarimni kesishga majbur bo‘ldim. Keyin esa qahramonimning garderobiga umuman to‘g‘ri kelmaydigan ko‘ylakni kiydim. Hamkasblarim men bilan bahslashishga harakat qilishdi, biroq men tanlovimni himoya qildim”, — deydi aktrisa.
Hilari va uning turmush o‘rtog‘i, biznesmen Filipp Shnayder ota-ona bo‘lishni intiqlik bilan kutmoqda. Aktrisaning so‘zlariga ko‘ra, u uzoq vaqtdan beri homilador bo‘lishni orzu qilgan, biroq endi uning keyingi maqsadi — chaqaloqlar uchun ajoyib ona bo‘lish.
Suonk Shnayderga 2018-yil avgust oyida 2 yillik munosabatlardan keyin turmushga chiqdi. Aktrisaning so‘zlariga ko‘ra, uning oilasida ham, turmush o‘rtog‘ining oilasida ham egizak farzandlar bor. “Bu shunday baxt. Bu haqiqiy mo‘jiza. Bu aqlbovar qilmaydigan narsa”, — deb xursand bo‘ladi aktrisa.
Hilarining sevimli mashg‘ulotlaridan biri to‘qish. U bolalariga o‘z qo‘li bilan shinam kombinezon va etikchalar to‘qiydi.
Mavzuga doir:
- Telefonda olingan bo‘lsa-da, Uyg‘onish davri asarlariga o‘xshab qolgan suratlar.
- Dasturxon naqshidagi QR kodlar, metrodagi ochiq osmon: do‘stlarga yuborishga arziydigan suratlar.
- Dunyo bo‘ylab qishloq uylari qanday ko‘rinishga ega: sizni hayratda qoldiradigan ajoyib suratlar.
- Braziliya haqida ensiklopediyalardan ko‘ra ko‘proq ma’lumot bera oladigan hayotiy suratlar.
Izoh (0)