Talimarjon IESda 2025-yil yakuniga qadar umumiy quvvati 900 MVt dan kam bo‘lmagan ikkita bug‘-gaz qurilmalarini quriladi.
“Issiqlik elektr stansiyalari” matbuot xizmatining xabar qilishicha, ushbu bug‘-gaz qurilmalarini qurish uchun Ispaniya va Yaponiya kompaniyalari bilan shartnomalar imzolandi.
Loyihaning bosh pudratchilari etib Ispaniyaning Intecsa Ingeniera Industrial S.A. va Yaponiyaning Mitsubishi Corporation kompaniyalari tanlanib, ushbu kompaniyalar bilan shartnomalar imzolandi. Ushbu loyiha Osiyo taraqqiyot bankining imtiyozli kredit mablag‘lari hisobiga amalga oshiriladi.
Yangi investitsiya loyihasi Samarqand va Buxoro viloyatlari iste’molchilarini, Qarshi magistral kanalidagi yettita nasos stansiyasi va respublikamiz aholisini elektr energiyasi bilan ta’minlashga xizmat qiladi.
Loyiha amalga oshirilishi natijasida, yiliga qo‘shimcha 7,2 mlrd kVt.soat elektr energiyasi ishlab chiqariladi. Yuqori tejamkor texnologiyalar hisobiga 520 mln kub metr tabiiy gaz tejalishiga erishiladi.
Atmosferaga chiqarilayotgan ifloslantiruvchi moddalar 1500 tonnaga kamayadi.
Mavzuga doir: BAA ikki kompaniyasi O‘zbekistonning eng yirik elektr stansiyasi quvvatini kengaytirishga 1 mlrd dollar sarmoya kiritadi
Izoh (0)