O‘zbekistonda madaniy meros obyektlari va predmetlarini saqlash bo‘yicha Yaponiya tajribasini joriy etiladi.
Investitsiyalar va tashqi savdo vazirligining ma’lum qilishicha, Yaponiya hukumati bilan qiymati 400 ming dollarga yaqin bo‘lgan “O'zbekiston Respublikasida Buyuk Ipak Yo'li madaniy merosi arxivlarini saqlash va raqamlashtirish” loyihasi bo‘yicha almashuv notasi va grant bitimi imzolandi.
Amalga oshirilayotgan loyiha Ipak Yo‘li bo‘ylab topilgan noyob madaniy boyliklarni asrab-avaylashga ko‘maklashish, ularni himoya qilish ishlari samaradorligini oshirish, O‘zbekiston madaniyati rivojiga katta hissa qo‘shish, shuningdek, ikki mamlakat o‘rtasidagi madaniy-gumanitar hamkorligining timsoliga aylanishga qaratilgan.
Loyiha doirasida Turizm va madaniy meros vazirligi huzuridagi Madaniy meros agentligi, O‘zbekiston davlat tarix muzeyi va Termiz arxeologiya muzeyiga kolleksiyalar va eksponatlarni asrash uchun uskunalar, shuningdek raqamli arxivlash uchun zarur uskunalar, shu jumladan 3D skanerlar, 360 darajada suratga oladigan kameralar va boshqa jihozlar topshiriladi.
Mazvuga doir: O‘zbekistonda 14 ta muzeyning 3 mingdan ortiq nodir va noyob madaniy boyliklari talon-toroj qilingan
Izoh (0)