Ўзбекистонда маданий мерос объектлари ва предметларини сақлаш бўйича Япония тажрибасини жорий этилади.
Инвестициялар ва ташқи савдо вазирлигининг маълум қилишича, Япония ҳукумати билан қиймати 400 минг долларга яқин бўлган «Ўзбекистон Республикасида Буюк Ипак Йўли маданий мероси архивларини сақлаш ва рақамлаштириш» лойиҳаси бўйича алмашув нотаси ва грант битими имзоланди.
Амалга оширилаётган лойиҳа Ипак Йўли бўйлаб топилган ноёб маданий бойликларни асраб-авайлашга кўмаклашиш, уларни ҳимоя қилиш ишлари самарадорлигини ошириш, Ўзбекистон маданияти ривожига катта ҳисса қўшиш, шунингдек, икки мамлакат ўртасидаги маданий-гуманитар ҳамкорлигининг тимсолига айланишга қаратилган.
Лойиҳа доирасида Туризм ва маданий мерос вазирлиги ҳузуридаги Маданий мерос агентлиги, Ўзбекистон давлат тарих музейи ва Термиз археология музейига коллекциялар ва экспонатларни асраш учун ускуналар, шунингдек рақамли архивлаш учун зарур ускуналар, шу жумладан 3D сканерлар, 360 даражада суратга оладиган камералар ва бошқа жиҳозлар топширилади.
Мазвуга доир: Ўзбекистонда 14 та музейнинг 3 мингдан ортиқ нодир ва ноёб маданий бойликлари талон-торож қилинган
Изоҳ (0)