Sirdaryoda iste’molga yaroqsiz 23 dona echki go‘shtini Toshkentga olib ketayotgan shaxs qo‘lga olindi

Sirdaryo IIB xodimlari tomonidan iste’molga yaroqsiz 23 dona echki go‘shti to‘xtatib qolindi, deb xabar beradi Sirdaryo IIB.

Ma’lum qilinishicha, Sirdaryo yo‘l patrul xizmati maskanida o‘tkazilgan tadbiri davomida Jizzax—Toshkent yo‘nalishida harakatlanib o‘tayotgan Jizzax viloyati Jizzax tumanida yashovchi fuqaro boshqaruvida bo‘lgan Cobalt avtomobili to‘xtatilib, tekshirilganida mashina yukxonasi va salonida iste’molga yaroqsiz go‘sht mahsulotlari borligi aniqlangan.

Hozirda holat yuzasidan tekshiruv ishlari olib borilmoqda.

Avvalroq Qibrayda 2 200 kg iste’molga yaroqsiz go‘shtni konservalamoqchi bo‘lgan shaxslar qo‘lga olingani haqida xabar qilingan edi.

Mavzuga doir:

• Toshkent viloyatida 1 tonnadan ortiq iste’molga yaroqsiz go‘sht sotilishining oldi olindi
• Toshkentga nobud bo‘lgan qoramol go‘shtlari olib ketayotgan Epica to‘xtatib qolindi