Tanzila Norboyeva Sharm ash-Shayx shahrida o‘tayotgan BMT Iqlim o‘zgarishi bo‘yicha konferensiya doirasida Misr Senati raisi Abdulvahob Abdurroziq bilan uchrashdi.
Senat matbuot xizmati xabariga ko‘ra, uchrashuvda ikki tomonlama aloqalarga doir bir qator masalalar, xususan, savdo-iqtisodiy, madaniy gumanitar hamda parlament yo‘nalishida faol hamkorlikni rivojlantirish masalalari muhokama qilindi.
Tanzila Norboyeva parlamentlararo aloqalar mamlakatlar o‘rtasidagi barcha darajadagi aloqalarni rivojlantirishda muhim mexanizmlardan biri hisoblanishini ta’kidlab, Misr parlamenti bilan o‘zaro hamkorlikni rivojlantirishga, jumladan, oliy darajada erishilgan kelishuvlarni amalga oshirish doirasidagi vazifalarning borishi ustidan tizimli parlament nazoratini o‘rnatishga tayyorlikni bildirdi.
Tomonlar aholining ijtimoiy ehtiyojmand qatlamlari, jumladan ayollar va yoshlarni har tomonlama qo‘llab-quvvatlash masalasi ikki mamlakatda ham davlat siyosati darajasiga ko‘tarilgan ustuvor yo‘nalishlaridan biri ekanligi ta’kidlandi hamda mazkur yo‘nalishlarda o‘zaro tajriba almashish va hamkorlikni yo‘lga qo‘yish yuzasidan fikr almashdi.
Madaniy-gumanitar sohadagi aloqalarga ham etibor qaratildi.
Muloqot davomida tomonlar o‘rtasidagi hamkorlik aloqalarini yanada kengaytirish va rivojlantirish masalalarini tartibga soluvchi “Yo‘l xaritasi”ni ishlab chiqib, amaliyotga tatbiq etishga kelishib olindi.
Mavzuga doir: O‘zbekiston Mintaqaviy iqlim kengashi tashkil etishni taklif qildi
Izoh (0)