Toshkent viloyati Ohangaron tumanida tadbirkorning pullarini qo‘lga kiritgan firibgar aniqlandi, deb xabar bermoqda Iqtisodiy jinoyatlarga qarshi kurashish departamenti.
Qayd etilishicha, Bosh prokuratura huzuridagi departamentning Ohangaron tuman bo‘limi tomonidan tadbirkorlik subyektlarining huquqlarini himoya qilish yuzasidan tergovga qadar tekshiruv o‘tkazilgan. Unda fuqaro Z.A. N.F. MCHJ rahbari J.M.ning ishonchiga kirib, hujjatlarni qalbakilashtirish orqali o‘zini MCHJ rahbari etib tayinlagani aniqlangan. U korxonaga qarashli binoni garovga qo‘yish orqali S.S. MCHJga tijorat banki filialidan 180 000 dollar kredit ajratilishiga erishib, buning evaziga S.S. MCHJ rahbari A.K.ning 20 000 dollar va 50 million so‘mini firibgarlik yo‘li bilan qo‘lga kiritgan.
Mazkur holat yuzasidan Jinoyat kodeksining 168-moddasi (firibgarlik) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilgan. Hozirda tergov harakatlari o‘tkazilmoqda.
Izoh (0)