Ijtimoiy tarmoqlarda Navoiy viloyati Nurota tumanidagi 52-umumta’lim maktab direktori va o‘quv ishlari bo‘yicha o‘rinbosari qorovulxonada qimor o‘ynab o‘tirgani videoyozuvi tarqatdi. Viloyat Xalq ta’limi boshqarmasi holatga munosabat bildirdi.
Qayd etilishicha, vaziyat tuman XTB tomonidan atroflicha o‘rganib chiqilgan. Maktabda o‘quv ishlari, tashkiliy-texnik va kadrlar masalasida o‘zibo‘larchilikka yo‘l qo‘yilgani, ichki tartib-qoidalarga xilof tarzda xatti-harakatlar sodir etilgani aniqlangan.
Maktab direktori R.S. va uning o‘quv ishlari bo‘yicha o‘rinbosari X.J. egallab turgan vazifasidan ozod etilgan.
“Shu o‘rinda ulug‘vor imorat hisoblanadigan maktablarning rahbarlari har jabhada boshqalarga o‘rnak bo‘lishi, umumiy e’tirof etilgan tartib-qoidalarga rioya etishlarini so‘rab qolamiz. Zero, yoshlar Sizlardan ibrat oladi”, — deyiladi xabarda.
Izoh (0)