Ижтимоий тармоқларда Навоий вилояти Нурота туманидаги 52-умумтаълим мактаб директори ва ўқув ишлари бўйича ўринбосари қоровулхонада қимор ўйнаб ўтиргани видеоёзуви тарқатди. Вилоят Халқ таълими бошқармаси ҳолатга муносабат билдирди.
Қайд этилишича, вазият туман ХТБ томонидан атрофлича ўрганиб чиқилган. Мактабда ўқув ишлари, ташкилий-техник ва кадрлар масаласида ўзибўларчиликка йўл қўйилгани, ички тартиб-қоидаларга хилоф тарзда хатти-ҳаракатлар содир этилгани аниқланган.
Мактаб директори Р.С. ва унинг ўқув ишлари бўйича ўринбосари Х.Ж. эгаллаб турган вазифасидан озод этилган.
«Шу ўринда улуғвор иморат ҳисобланадиган мактабларнинг раҳбарлари ҳар жабҳада бошқаларга ўрнак бўлиши, умумий эътироф этилган тартиб-қоидаларга риоя этишларини сўраб қоламиз. Зеро, ёшлар Сизлардан ибрат олади», — дейилади хабарда.
Изоҳ (0)