Hali qish kelmay turib, O‘zbekistonda elektr energiyasi va tabiiy gaz yetkazib berishda uzilishlar bo‘lmoqda. Tokdan uzilish oralig‘i minutlar emas, soatlarga cho‘zilib ketmoqda. “Chiroqsiz kun tadbirini” o‘tkazish chekka qishloqlarda va hatto Toshkent shahrida ham kuzatilmoqda.
Bu ishlarga ma’sul bo‘lgan Energetika vazirligi doimgidek aholini muammolarni to‘g‘ri tushunishga hamda imkon qadar ushbu resurslardan tejamkorlik bilan foydalanishga chaqirmoqda.
Tok o‘chganda qachon qaytib yonishi yoki uzilishlar qancha vaqtga cho‘zilishi haqida elektr tarmoqlari bo‘limlarga qo‘ng‘iroq qilib axborot olish mumkin. Odatda tok o‘chgan vaqtda ko‘pchilik elektr tarmoqlari bo‘limiga qo‘ng‘iroq qilib tushib bo‘lmasligini aytadi.
“Daryo” nashri Toshkent shahri va tumanlarida elektr tarmoqlari korxonalariga birma-bir qo‘ng‘iroq qilib, ularni fuqarolar bilan qanday ishlayotgani bilan qiziqdi.
Birinchi galda “Toshkent shahar elektr tarmoqlari korxonasi” bilan bog‘lanishga harakat qilindi. Ming afsuski, bir necha urinishlarda ham mas’ullar qo‘ng‘iroqlarga javob bermadi.
Tumanlar kesimida:
- Uchtepa tumani ETK
- Mirobod tumani ETK
- Yunusobod tumani ETK
- Sergili tumani ETK
Holat yuzasidan mas’ullardan izoh kutib qolamiz.
“Daryo” voqealar rivojini kuzatib boradi.
Izoh (1)
Assalomu alaykum. Call markazlarni o'z faoliyatiga bo'lgan ma'suliyatini ajyib tarzda ko'rsatibsiz. Sizdan faqat ETK emas balki barcha davlat idoralarining Call markazlariga bo'lgan ma'suliyatli e'tiborini yoritib berishingizni so'rardim