Ижтимоий тармоқларда Тошкентнинг Юнусобод туманида жойлашган 7-сонли клиник касалхонада 13 ноябрь куни соат 13:00 дан 19:40 гача электр энергиясидан узилгани ҳақида хабарлар тарқалди. «Тошкент шаҳар электр тармоқлари корхонаси» ҳолатга муносабат билдирди.
Корхона мутасаддилари томонидан ушбу муаммо юзасидан ўтазилган ўрганиш натижаларида аниқланишича, туман ҳудудида жойлашган 35/6 кВ бўлган юқори кучланишли «Сокин» подстанциясидан чиқувчи РП «Геолог» тақсимлаш пунктидан таъминланувчи қуввати 6 кВ бўлган юқори кучланишли ер остидан ўтган электр узатиш кабел тармоғининг шикастланиши натижасида авария ҳолати юзага келган.
Натижада 35/6 кВ бўлган юқори кучланишли «Сокин» подстанцияси орқали электр энергияси билан таъминланувчи Юнусобод туманидаги 7-сонли клиник касалхона биноси электр энергияси таъминотида вақтинчалик узилиш содир бўлган.
«Шу вақтнинг ўзидаёқ «Тошкент шаҳар электр тармоқлари корхонаси» АЖ тизимидаги Юнусобод туман электр таъминоти корхонасининг юқори кучланишдаги авария ҳолатларини баратараф этиш махсус тезкор ишчи гуруҳи томонидан тезкорлик билан касалхона биноси ҳудудига юқори кучланишли дизель генератори ўрнарилиб, касалхона вақтинчалик электр энергияси билан таъминланган ҳолда таъмирлаш ишлари олиб борилди ҳамда соат 19:20 да юзага келган авариявий ҳолати тўлиқ бартараф этилиб, ҳудудда электр таъминоти билан қайта тикланди», — дейилади хабарда.
Мавзуга доир:
- Ўзбекистон энерготизимида оғир оқибатли «авария» – блекаут хавфи борлиги маълум қилинди
- «Ҳар куни электр энергиясини тежаш кунини нишонлаяпмиз». Наманганликлар Энергетика вазирлигидан ҳафсаласи пир бўлганини айтмоқда (видео)
- «Симёғочлар қулаб тушиб, ток уриш хавфи бор, йўллар абгор». Андижоннинг Булоқбоши туманида яшовчи аҳоли муаммолар гирдобида яшамоқда
Изоҳ (0)