Turkiyaning Istanbul shahri Beyog‘lu Istiqlol ko‘chasida 13-noyabr kuni sodir bo‘lgan portlashni shahar bosh prokuraturasi terakt deb baholadi. Bu haqda Yeni Safak xabar berdi.
Portlash sayyohlar gavjum bo‘lgan ko‘chada yuz berdi. Rossiya bosh konsulligi binosi ham shu ko‘chada joylashgan. Hodisa xudkush terrorchining o‘zini portlatib yuborishi sabab bo‘lgani ilgari surildi. Dastlab 11 kishi jarohatlangani va 4 kishi halok bo‘lgani e‘lon qilindi. Biroq bu ko‘rsatkich keskin oshdi. Xususan 38 kishi yaralangani va 5 kishi halok bo‘lgani aytilmoqda.
Turkiya huquq-tartibot idoralari hozirda halok bo‘lganlar va yaradorlarning millati haqida ma’lumotga ega emas. Turkiya hukumati portlash haqidagi xabarlarni chop etish, voqea joyidan translyatsiya qilishni vaqtinchalik taqiqladi. Voqea joyiga ko‘plab politsiya, o‘t o‘chiruvchilar va tibbiy guruhlar yuborildi. Aviatexnika va harbiy mashinalar ham jalb qilindi.
Izoh (0)