Туркиянинг Истанбул шаҳри Beyog‘lu Истиқлол кўчасида 13 ноябрь куни содир бўлган портлашни шаҳар бош прокуратураси теракт деб баҳолади. Бу ҳақда Yeni Safak хабар берди.
Портлаш сайёҳлар гавжум бўлган кўчада юз берди. Россия бош консуллиги биноси ҳам шу кўчада жойлашган. Дастлаб 11 киши жароҳатлангани ва 4 киши ҳалок бўлгани эълон қилинди. Бироқ бу кўрсаткич кескин ошди. Хусусан 38 киши яралангани ва 5 киши ҳалок бўлгани айтилмоқда.
Туркия ҳуқуқ-тартибот идоралари ҳозирда ҳалок бўлганлар ва ярадорларнинг миллати ҳақида маълумотга эга эмас. Туркия ҳукумати портлаш ҳақидаги хабарларни чоп этиш, воқеа жойидан трансляция қилишни вақтинчалик тақиқлади. Воқеа жойига кўплаб полиция, ўт ўчирувчилар ва тиббий гуруҳлар юборилди. Авиатехника ва ҳарбий машиналар ҳам жалб қилинди.
Изоҳ (0)