Turk aktrisasi Ebru Shahin “Beqaror” serialidagi rolidan keyin ko‘plab tomoshabinlarning qalbidan joy oldi. Hozirda ko‘plab muxlislar aktrisaning ijodidagi ma’lumotlardan tortib shaxsiy hayoti bilan bog‘liq yangiliklarni kuzatib bormoqda. “Lisa.ru” nashri aslida sport sohasida tahsil olgan mashhur aktrisa Ebru Shahinning hayoti va faoliyati haqida ma’lumot berdi.
Sportga bo‘lgan muhabbat
Ebru Shahin bolaligidan sportga muhabbat qo‘ygan: u basketbol, voleybol o‘ynagan va konki, rolikda uchgan. Qizig‘i shundaki, bo‘lajak aktrisa maktabga rolikda borgan — bu u uchun qulay bo‘lgan va tezroq harakat qilishiga yordam bergan. Keyinchalik aktrisa sport bilan bog‘liq kasbni tanlagan va Istanbul universitetida sport sohasidagi fanlarni o‘qigan.
Bollivud orzusi
Sportga bo‘lgan qiziqishlaridan tashqari, Shahin hind filmlarini juda yaxshi ko‘rar edi va bolaligida Bollivud filmlarida suratga tushishni, qo‘shiq aytishini va raqsga tushishini orzu qilgan. Biroq aktrisaga o‘z vatanida, ya’ni Turkiyada mashhurlikka erishish nasib qildi.
Qarshiliklarni yengib o‘tgan aktrisa
Aktrisa universitetni bitirgach butun umri davomida sport bilan shug‘ullana olmasligini tushunib yetgan, shuning uchun u yana bir sevimli mashg‘ulotini — kinoni sohasini tanlashga qaror qiladi. Oradan ko‘p vaqt o‘tmay, Ebru reklama roliklarida suratga tushishiga yordam bergan menejer Abdulla Bulut bilan uchrashadi. Ebruning yaqinlari va do‘stlari aktrisaning sevimli mashg‘ulotiga qarshi bo‘lgan va shu sababli u atrofidagi ko‘plab insonlar bilan muloqot qilishni to‘xtatgan.
Birinchi rol
Ebru 2016-yildan boshlab kinofilmlarda suratga tushgan: u “Qonli pullar”, “Istanbullik kelin”, “Qora niyat” kabi loyihalarda ikkinchi darajali va epizodik rollarni ijro etgan. Biroq u ko‘plab aktrisalar singari bosh rolni ijro etishni orzu qilgan.
Dunyo bo‘ylab muvafaqqiyat
“Beqaror” seriali 2020-yili katta ekranlarda namoyish etildi, unda Ebru mehribon va halol qiz Reyyan Shodo‘g‘lu obrazini gavdalantirdi, u oilasidan o‘ch olishni orzu qilgan biznesmen Miran Aslanbeyni sevib qoladi. Miran o‘z rejasini amalga oshirish uchun qizni sevib qolgandek ko‘rsatib unga uylanishni, keyin esa voqealar rivojida butun Mardinga sharmanda qilishni niyat qiladi. Biroq nafrat va sevgi orasidagi masofa bir qadam, Reyyanni sevib qolgan Miran qasos olishni unutishga harakat qiladi. Ushbu loyiha aktrisaning dunyo bo‘ylab mashhurlikka erishishiga sabab bo‘ldi.
Hamkasblar bilan yuzaga kelgan ziddiyat
“Beqaror” seriali namoyish etilgandan keyin ko‘plab tomoshabinlar Ebru hamkasbi Akina Akinezu bilan ishqiy munosabatda bo‘lgan deb taxmin qilgan edi. Biroq keyinchalik ma’lum bo‘lishicha, aktyorlar o‘rtasida do‘stlik munosabatlari ham bo‘lmagan. Aktrisa partnyori suratga olish jarayonlariga tez-tez mast holda kelganini, hamkasblari bilan janjallashib, suratga olish guruhini xafa qilganini aytgan.
Ushalgan orzu
Ebru Shahin har doim ot minishni orzu qilgan va “Beqaror” serialining suratga olish jarayonlarida u shunday imkoniyatga ega edi, chunki sujetga ko‘ra uning qahramoni ot mingan. Aktrisa bundan juda xursand bo‘lgan, sababi u suratga olish jarayonlaridan oldin individual chavandozlik saboqlarini olgan.
Plastik operatsiya
Aktrisa mashhur bo‘lgach, qiziquvchan tomoshabinlar uning eski fotosuratlarini topib, Ebru plastik operatsiya qildirgan degan qarorga keldi. Ko‘plab muxlislar aktrisaning o‘smirlik va hozirgi paytdagi yuz tuzilishini taqqoslab aniq rinoplastikani qildirgan deb o‘ylaydi. Biroq Shahinning o‘zi bu dalillarga izoh bermaydi.
Basketbolchi bilan turmush qurgan aktrisa
Ebru bir necha yil basketbolchi Jedi Usmon bilan uchrashgan va 2021-yilda u bilan turmushga qurgan. Aktrisaning turmush o‘rtog‘i “Klivlend Kavalers” basketbol klubida o‘ynaydi.
Ebru Shahinning laqabi
Aktrisa har doim xayriya va boshqalarga yordam berishga alohida e’tibor berishga harakat qilgan. Shahin mashhur bo‘lsa ham o‘zini hech kimdan ustun deb bilmaydi. Ebruning do‘stlari unga “uyatchan” laqabini qo‘ygan.
Mavzuga doir:
- Ebru Shahin Amerikaga ko‘chib ketmoqda, Hande Erchel Disney bilan shartnoma imzoladi. Turk kinosi yangiliklari (foto).
- “Beqaror” seriali yulduzi Ebru Shahinning nikoh to‘yi Turkiya hamda Amerikada nishonlanadi.
- “Beqaror” seriali yulduzi Ebru Shahin mashhur turk basketbolchisi bilan unashtirildi.
- “Beqaror” seriali yulduzi Ebru Shahin turmushga chiqmoqda.
Izoh (0)