Ba’zida yulduzlarning o‘zlari shunday faktlarni aytib berishadiki, bunga ishonish qiyin.
Maykl Jekson “sirpanib yurish”ni o‘zi o‘ylab topmagan
“Sirpanib yurish” bu — raqs texnikasi bo‘lib, uning mohiyati shundaki, ijrochi orqaga sirpanib, xuddi oldinga yurgandek oyoq harakatlariga taqlid qiladi. Garchi bu harakat Maykl Jekson tufayli ko‘pchilikka ma’lum bo‘lsa-da, “sirpanib yurish” undan ancha oldin paydo bo‘lgan.
Ushbu uslubning muallifi raqqos Bill Beyli bo‘lgan degan versiya mavjud. Mish-mishlarga ko‘ra, u hatto harakat nomini ham o‘ylab topgan — “bekslayd” (backslide - “orqaga siljish”).
Endi Makdouellni Charli Chaplinning noqonuniy qizi deb hisoblashgan
Bir kuni Endi Makdauellning muxlisi unga Meksikada chop etilgan gazetani yuboradi, gazetada u mashhur komik Charli Chaplinning noqonuniy qizi ekanligi yozilgan edi. Aktrisa bunday aqlbovar qilmaydigan mish-mishni darhol rad etadi. “Bu o‘zim haqimda eshitgan eng ahmoqona mish-mish, — deydi Endi. — Chaplinning haqiqiy qizi Jeraldin bilan uchrashganimda, unga hech narsa demasam-da, lekin u menga tikilib turganini payqadim. U o‘sha maqolani o‘qiganmi, bilmayman”.
Melani Griffit uyda boqilgan sher bilan katta bo‘lgan
Odatda bolalar uy hayvonlari bilan birga katta bo‘lganlarini aytishganda, mushuk yoki itni tasavvur qilamiz, lekin dahshatli sherni emas. Melani Griffitning so‘zlariga ko‘ra, u bolaligini onasi — Gollivud yulduzi Tippi Xedrenga tegishli sher, yo‘lbars va ikkita fil bilan o‘tkazgan. Bugungi kunda oilaning ekzotik hayvonlari aktrisa va uning onasi yovvoyi hayvonlarni qutqarish uchun qurgan qo‘riqxonada yashaydi.
Bryus Uillis sahnada kuylagan
Jangari filmlar yulduzi 1987, 1989 va 2001-yillarda qo‘shiq kuylash bilan shug‘ullanganini va hatto musiqiy albomlarini chiqarganini ko‘pchilik bilmaydi. Bryus blyuz, ritm-end-blyuz va soul uslubidagi qo‘shiqlarni ijro etgan. Uning kompozitsiyalaridan biri xitga aylanib, 1987-yilgi chartlarning eng yaxshi o‘nligiga kirgan.
Gal Gadot mototsilkchi bo‘lgan
“Forsaj 4” filmidagi Jizel ismli mototsiklchi sifatida kichik, ammo yorqin rol keyinchalik “Mo‘jiza-ayol” rolini o‘ynagan Gal Gadot karyerasining rivojlanishiga turtki beradi. Aktrisa xavfli tryuklarni ham o‘zi bajargan va Ducati mototsiklini shunchalik yoqtirib qolganki, o‘zi uchun ham sotib olgan. Biroq Gal ona bo‘lgach, mototsikl minmay qo‘ygan.
Madonna shirinliklar do‘konidan haydalgan
Dunyo sahnasining bo‘lajak malikasi bir vaqtlar ponchik sotiladigan do‘kondan haydalgan deb kim o‘ylabdi. Bu 1978-yilda, u qo‘shiqchi sifatida mashhur bo‘lishidan bir necha yil oldin sodir bo‘lgan.
Madonnaning aytishicha, u atigi bir hafta sotuvchi bo‘lib ishlagan. U o‘z ishiga jiddiy yondashmagani, bir marta esa odamlarga jele sepganligi uchun ishdan bo‘shatiladi. Ko‘p o‘tmay, qiz shou-biznesga qadam qo‘yib, “Holiday” va “Material Girl” kabi xitlarni chiqaradi.
To‘qish — Juliya Robertsning sevimli mashg‘uloti
Aktrisa yolg‘iz qolishni va dam olishni xohlaganida tikish va to‘qishni yaxshi ko‘rishini tan oladi. “Uyimda tikuvchilik uchun mo‘ljallangan kichik xona bor, u yerda tikuv mashinasi va to‘qilgan narsalarim saqlanadi. Men u yerda ko‘p vaqt o‘tkazmayman, lekin bu men dam oladigan joy”, — deydi Juliya.
Meril Strip uxlab qolgani uchun aktrisalikni tanlagan
“Oskar” kinomukofotlari soni bo‘yicha rekordchi Meril Strip kirish imtihonidan o‘ta olmagan, chunki u shunchaki uxlab qoladi. U 20 yoshida drama maktabida o‘qigan, ammo “jiddiy ish bilan shug‘ullanish” uchun ekologik huquqshunos bo‘lishni maqsad qilgan. Imtihon kuni uxlab qolganidan so‘ng, Meril buni taqdir ishorasi deb tushunadi va drama maktabidagi o‘qishini davom ettiradi.
Rayan Gosling sharf to‘qishi mumkin
“La La Lend” yulduzi agar butunlay bo‘sh kuni bo‘lsa, uni uyda o‘tirib, to‘qish bilan o‘tkazishini aytadi. “Men buni juda yaxshi ko‘raman, o‘zimga sharf yoki shlyapa to‘qishim mumkin”, — deydi u.
Rayan Gosling 2007-yilda “Lars va haqiqiy qiz” filmidagi sahnani suratga olish paytida to‘qishni o‘rgangan. Sujetga ko‘ra, uning qahramoni to‘quvchi ayollar bilan bir xonada o‘tiradi.
Izoh (0)