O‘zbekistonda yangi import avtomobillarni istalgan shaxs tomonidan sotishga ruxsat beriladi. Bu haqda O‘zA xabar berdi.
Qayd etilishicha, 2022-yil 9-noyabrda O‘zbekiston prezidentining yangi farmoni imzolangan.
Farmon bilan davlat tomonidan tadbirkorlikni tartibga solishning cheklangan vositalari belgilandi.
Farmonga ko‘ra, 2023-yil 1-yanvardan boshlab yangi import qilinadigan avtomobillar — “inomarka”larni faqat kompaniyalar va rasmiy dilerlar orqali sotib olish bekor qilinadi.
Bu nimaga ta’sir qiladi?
O‘zbekistonda 2022-yilning sentabr oyida “inomarka”lar sotuvi rekord darajada bo‘lgan.
Xorijda ishlab chiqarilgan avtomobillarning O‘zbekistondagi dilerlar orqali sotuvi 2022-yil uchun oylik rekord darajaga yetdi — 1 868 dona. Bundan avvalgi eng yaxshi natija o‘tgan yilning dekabrida 2 411 dona ko‘rsatkich bilan qayd etilgan edi.
Kelgusi yildan boshlab yangi farmon kuchga kirgach, chet el “inomarka”larini O‘zbekistonga olib kelish yanada ko‘payishi kutilmoqda.
2022-yilning yanvar—sentabr oylarida O‘zbekiston umumiy 564,1 million dollarga teng bo‘lgan 22 447 ta yengil avtomobil import qilgan.
Izoh (0)