O‘zbekistonda pomidor narxi rekordlarni yangiladi. Mintaqadagi eng yirik pomidor eksportchisi bo‘lgan mamlakatda hozirda narxlar eng yuqori darajada. Bu haqda EastFruit xabar bermoqda.
O‘zbekistonda pomidorning ulgurji narxi ayni paytda import qiluvchi qo‘shni Tojikistonga nisbatan 61 foizga, Gruziya va Moldovaga qaraganda esa bir yarim baravar qimmat.
Oxirgi ikki hafta ichida O‘zbekistonda qizil dumaloq pomidorning o‘rtacha ulgurji narxi 40 foizga, pushti pomidorniki esa deyarli 60 foizga oshdi. Bundan tashqari, ulgurji narxlar o‘tgan yilgi darajadan 20-40 foizga yuqori.
Joriy yilning 25-oktabrdan 4-noyabrgacha O‘zbekistonda qizil dumaloq pomidorning o‘rtacha ulgurji narxi 10 000 so‘mdan 14 000 so‘m/kg gacha oshgan.
Xuddi shu davrda pushti pomidorning o‘rtacha ulgurji narxi 12 000 dan 19 000 so‘m/kg gacha yuqorilagan — ikki hafta ichida 58 foizga.
Narxlarning ko‘tarilish sabablari haqidagi savolga bozor ishtirokchilari aniq javob bera olmadi. Ko‘pchilik sababni noqulay ob-havo sharoiti deb hisoblaydi, — deydi EastFruit tahlilchilari.
Dastlabki rasmiy statistik ma’lumotlarga ko‘ra, 2022-yil oktabr oyining ikkinchi yarmida O‘zbekiston 3,8 ming tonna yangi pomidor eksport qilgan. Bu o‘tgan yilning shu davriga nisbatan qariyb bir yarim barobar ko‘pdir.
Biroq O‘zbekiston va Rossiyada pomidor narxlari o‘rtasidagi farq barham topdi — boz ustiga, ayni damda O‘zbekistonda pomidorning ulgurji narxi Rossiyanikidan ham bir oz yuqoriroq, — deyiladi EastFruit xabarida.
Avvalroq yil boshidan beri O‘zbekiston eng ko‘p qaysi davlatlarga meva-sabzavot sotgani aniqlangan edi.
Izoh (0)