O‘zbekistonda 1—6-noyabr kunlari bozorlarda qishloq xo‘jaligi va go‘sht mahsulotlarining ulgurji narxlari haqida ma’lumot berildi.
Ushbu davr mobaynida bozorda kivi 6 000 so‘mga, uzum 1 500 so‘mga guruch (lazer) 1 000 so‘mga arzonlagan.
Shuningdek:
- sarimsoq piyoz — 4 250 so‘mga;
- banan va mandarin — 2 500 so‘mga;
- no‘xat — 2 000 so‘mga;
- pomidor — 1 500 so‘mga;
- bodring — 750 so‘mga;
- baqlajon — 600 so‘mga;
- sabzi (qizil) — 500 so‘mga;
- kartoshka (mahalliy), karam, sabzi (sariq) — 250 so‘mga oshgan.
Noyabr oyida davlat bojxona qo‘mitasining tezkor ma’lumotlariga asosan, umumiy qiymati 29,3 mln dollarlik (o‘tgan yilning mos davriga nisbatan 4,6 mln dollar ko‘p) jami 41,4 ming tonna (7,6 ming tonna ko‘p) qishloq xo‘jaligi mahsulotlari eksporti amalga oshirildi.
Mazkur davrda:
- 11,1 ming tonna uzum;
- 6,8 ming tonna xurmo;
- 5,7 ming tonna mosh;
- 3,2 ming tonna loviya;
- 1,6 ming tonna piyoz;
- 1,4 ming tonna quritilgan meva;
- 1,1 ming tonna mayiz;
- 1 ming tonnadan pomidor va gulkaram tashqi bozorlarga yetkazib berilgan.
Shuningdek, ushbu davr mobaynida 3,4 mln dollar (o‘tgan yilning mos davriga nisbatan 354 ming dollar ko‘p) qiymatdagi jami 17 ming tonna (1,5 ming tonna ko‘p) qishloq xo‘jaligi mahsulotlari import qilingan.
Bunda:
- 12,4 ming tonna kartoshka;
- 2,8 ming tonna banan;
- 184 tonna mandarin;
- 152 tonna kivi;
- 66 tonna apelsin import qilingan.
Tezkor ma’lumotlarga asosan, “Qo‘yliq” bozoriga hududlardan jami 4,3 ming tonna, xususan, 2,2 ming tonna kartoshka, 1,5 ming tonna piyoz, 142 tonna karam va 425 tonna sabzi keltirilgan.
Mazkur bozorga Qozog‘istondan 1 378 tonna, Qirg‘izistondan 168 tonna va Pokistondan 24 tonna kartoshka keltirilgan.
Shu bilan birga, hududlardan “Chorsu” dehqon bozoriga jami 78,5 tonna, shu jumladan 71,3 tonna mol go‘shti va 7,2 tonna qo‘y go‘shti keltirib sotilgan.
Izoh (0)