Turkiy Davlatlar Tashkilotining (TDT) Samarqand sammiti arafasida Iqtisodiy tadqiqotlar va islohotlar markazi TDT mamlakatlari bilan tashqi savdo aylanmasi bo‘yicha infografika tayyorladi.
2022-yilning 9 oyi yakunlariga ko‘ra, O‘zbekistonning TDT mamlakatlari bilan tashqi savdo aylanmasi 10,2 foizga oshdi va 7,4 mlrd dollarni tashkil etdi.
Bunda:
- eksport — 3,2 mlrd dollar (o‘sish 10,6 foiz)
- import — 4,2 mlrd dollar (o‘sish 9,9 foiz).
9 oyda TDT mamlakatlari O‘zbekiston umumiy tashqi savdo aylanmasining 20,4 foizini tashkil etdi.
O‘zbekiston TDT mamlakatlari bozorlariga tayyor mahsulotlarning asosiy hajmini: to‘qimachilik, elektrotexnika, avtomobilsozlik va meva-sabzavot mahsulotlari hamda rangli metallarni eksport qiladi.
TDT mamlakatlaridan sanoat korxonalari uchun zarur bo‘lgan mahsulotlar: metall prokat, alyuminiy, shuningdek, turli mexanik asboblar, qurilish materiallari, neft mahsulotlari, donning asosiy qismi va boshqa oziq-ovqat mahsulotlari import qilinadi.
2021-yilda O‘zbekistonning TDT mamlakatlar bilan savdo aylanmasi 39,5 foizga oshgan edi va 9,4 mlrd dollarnini tashkil etgan.
Bunda:
- eksport — 3,9 mlrd dollar (o‘sish 37,1 foiz);
- import — 5,5 mlrd dollar (o‘sish 41,4 foiz).
Izoh (0)