Dunyodagi eng yirik kriptovalyuta birjasi Binance AQSHdan tashqaridagi raqobatdoshi FTX platformasining barcha aktivlarini sotib olish niyatida ekanligini ma’lum qildi. Bu haqda MarketWatch’ga tayanib, “Interfaks” xabar bermoqda.
Taklif etilayotgan kelishuv shartlari oshkor etilmagan. Binance asoschisi va rahbari Changpeng Chjao o‘zining mikroblogida kompaniyasi yaqin kunlarda aktivlarni tegishli ekspertizadan o‘tkazishni rejalashtirayotganini yozdi.
Ularda jiddiy likvidlik inqirozi bor, — deb yozgan direktor.
FTX bosh direktori Sem Bankmen-Frid tvitida Binance bilan strategik kelishuvni tasdiqladi va bu AQSH aktivlariga aloqador emasligini ta’kidladi.
Birlashish haqidagi xabarga ko‘ra, 8-noyabr kuni asosiy sessiyada Coinbase Global savdo platformasining aksiyalari 11 foizga tushib ketdi. Oxirgi uch oy ichida kompaniya kapitallashuvi ikki barobarga kamaydi.
Bu katta ish. Binance va FTX Coinbase bilan to‘g‘ridan to‘g‘ri raqobatlashmasa-da, biz bu birlashish raqobatbardosh landshaftdagi tektonik siljishni anglatadi deb ishonamiz, — dedi Bernshteyn tahlilchisi Harshita Ravat.
8-noyabr kuni savdo paytida bitkoin kursi 16,8 foizga tushdi, ammo keyin yo‘qotishlar kamaydi. 9-noyabr ertalab kriptovalyuta 1,5 foizga qadrsizlandi.
Avvalroq bitkoin 18 ming dollargacha qulagani, bu 2020-yil noyabr oyidan beri eng past ko‘rsatkich ekanligi haqida xabar berilgandi.
Izoh (0)