Bitkoin bir oylik eng yuqori darajaga ko‘tarildi

Bitkoin kursi 4,63 foizga qimmatlab, 20 ming dollardan oshdi. Bu haqda CoinDesk portalidagi ma’lumotlarda keltirilgan.  

Ayni paytda 26-oktabr, Toshkent vaqti bilan 16:35 holatiga ko‘ra eng yirik kriptovalyutaning qiymati 20 636 dollar bo‘lib turibdi. Bu bir oylik eng yuqori ko‘rsatkichdir. 

O‘tgan haftada bitkoin 19 ming dollargacha tushib ketgandi. Kriptovalyutaning bir oylik eng  past qiymati 13-oktabr kuni qayd etilgan edi — 18 384 dollar.  

Bitkoinning bozor qiymati avgust o‘rtalarida 500 mlrd dollardan yuqori bo‘lib turgandi. Ayni paytda bu ko‘rsatkich 395 mlrd dollarga teng. 

2021-yil noyabr oyida kriptovalyuta narxi 69 ming dollargacha ko‘tarilgan edi.