AQSH Moliya vazirligining xorijiy aktivlarni nazorat qilish boshqarmasi (OFAC) Bittrex bitkoin birjasini Rossiya, Eron, Sudan va Suriyaga nisbatan sanksiyalarga rioya qilmagani uchun 24 million dollar jarimaga tortdi. Bu haqda AQSH Moliya vazirligi saytidagi xabarda aytiladi.
OFAC Bittrex Qrim, Kuba, Eron, Sudan va Suriyadagi foydalanuvchilar uchun 2014-yilning martidan 2017-yilning dekabriga qadar virtual valyuta operatsiyalarini to‘xtatmaganligini aniqladi. Ushbu o‘tkazmalar miqdori 263 million dollarga baholanmoqda.
Birja Vashingtonning Bellevyu shahrida ro‘yxatdan o‘tgan. AQSHning Rossiyaga qarshi sanksiyalariga muvofiq, AQSH kompaniyalariga Rossiya kompaniyalari yoki fuqarolari bilan bitimlar tuzishga ruxsat berilmaydi.
Dunyo bo‘ylab faoliyat yuritayotgan virtual valyuta birjalari o‘z mijozlari kimligini va ular qayerda ekanligini tushunishlari kerak, — deydi OFAC direktori Andrea Gakchi.
Bittrex kriptovalyuta birjalarining CoinGecko reytingida savdo hajmi (kuniga 15,2 million dollar) bo‘yicha 76-o‘rinda.
2021-yil fevral oyida OFAC BitPay protsessing xizmatini Qrim, Shimoliy Koreya va Erondan kelgan foydalanuvchilar ishtirokidagi tranzaksiyalar uchun 500 ming dollar jarimaga tortgandi.
Avvalroq Yevropa Ittifoqi rossiyaliklarning kriptoaktivlariga xizmat ko‘rsatishni taqiqlagan edi.
Izoh (0)