Bitkoin bugun, 9-noyabr kuni 18 ming dollargacha arzonladi. Bu haqda CoinDesk portali ma’lumotlarida keltiriladi.
Dunyodagi eng yirik kriptovalyuta 8-noyabr oxirida 20,5 ming dollargacha ko‘tarilgan edi. Shundan keyin uning qiymatidagi keskin pasayish kuzatildi.
Toshkent vaqti bilan 9-noyabr kuni soat 08:14 da bitkoinning qiymati 18 ming dollarni tashkil qilgan. Bu 2020-yilning noyabr oyidan beri eng quyi ko‘rsatkichdir.
Soat 11:00 ga kelib kriptovalyutaning qiymati 18 381 dollar bo‘lib turibdi.
Bitkoin iyun va iyul oylarida AQSHda asosiy stavkaning oshishi, inflyatsiya va kriptovalyutalar bilan bog‘liq muammolar tufayli 20 ming dollardan pastga tusha boshlagan edi.
Bitkoinning bozor qiymati avgust o‘rtalarida 500 mlrd dollardan yuqori bo‘lib turgandi. Ayni paytda bu ko‘rsatkich 352 mlrd dollarga teng.
2021-yil noyabr oyida kriptovalyuta narxi 69 ming dollargacha ko‘tarilgan edi.
Izoh (0)