Toshkentning Yunusobod tumanida Lexus va Captiva to‘qnashishi oqibatida ulardan birida yong‘in kelib chiqdi.
Poytaxt IIBB Yo‘l harakati xavsizligi boshqarmasi xabariga ko‘ra, voqea 7-noyabr kuni soat 22:00 larda Alisher Navoiy—Zarafshon ko‘chalari kesishgan chorrahada yuz bergan. 1969-yilda tug‘ilgan V.P. Lexus mashinasini boshqarib ketayotib, 2001-yilda tug‘ilgan haydovchi S.I. boshqaruvida bo‘lgan Captiva bilan to‘qnashgan.
Oqibatda har ikkala avtomashinasi haydovchilari va yo‘lovchilari turli tan jarohatlar bilan shifoxonaga yotqizilgan. Mashinalar shikastlanib, Captiva’da yong‘in kelib chiqqan.
Ayni paytda holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Izoh (0)