Тошкентнинг Юнусобод туманида Lexus ва Captiva тўқнашиши оқибатида улардан бирида ёнғин келиб чиқди.
Пойтахт ИИББ Йўл ҳаракати хавсизлиги бошқармаси хабарига кўра, воқеа 7 ноябрь куни соат 22:00 ларда Алишер Навоий—Зарафшон кўчалари кесишган чорраҳада юз берган. 1969 йилда туғилган В.П. Lexus машинасини бошқариб кетаётиб, 2001 йилда туғилган ҳайдовчи С.И. бошқарувида бўлган Captiva билан тўқнашган.
Оқибатда ҳар иккала автомашинаси ҳайдовчилари ва йўловчилари турли тан жароҳатлар билан шифохонага ётқизилган. Машиналар шикастланиб, Captiva’да ёнғин келиб чиққан.
Айни пайтда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
Изоҳ (0)