Jizzax viloyati Ekologiya va atrof muhitni muhofaza qilish boshqarmasining Suv, yer resurslari va yer osti boyliklarini muhofaza qilish bo‘limi tomonidan “Sangzor” daryosi o‘zanida o‘tkazilgan ekologik nazorat reyd tadbirida uchuvchisiz uchish apparati (dron) orqali huquqbuzarlik aniqlandi. Bu haqda Davlat ekologiya qo‘mitasi xabar qildi.
Qayd etilishicha, nazorat tadbiri davomida fuqaro A.X. o‘z boshqaruvidagi “ZIL” avtotransport vositasiga noqonuniy tarzda qum-shag‘al aralashmasini ortgani ma’lum bo‘lgan.
Mazkur holat yuzasidan fuqaroga nisbatan Ma’muriy javobgarlik to‘g‘risidagi kodeksning 70-moddasi (yer osti boyliklarini muhofaza qilish va ulardan foydalanish talablarini buzish 1-qismi bilan ma’muriy bayonnoma rasmiylashtirilgan. Huquqbuzarga bazaviy hisoblash miqdorining 10 baravari miqdorida ma’muriy jarima qo‘llanilgan.
Izoh (0)