Британиянинг Ёркшир штатидаги Фулл Саттон қишлоғида фақат қуёш батареялари ва иссиқлик насослари билан қувватланадиган мамлакатдаги биринчи қамоқхона қурилиши бошланди. Бу ҳақда «ТАСС» хабар бермоқда.
Нашрнинг ёзишича, 1 500 нафар маҳбус учун қамоқхона 2025 йилда очилади.
Унинг қурилиши Британия солиқ тўловчиларига 459 миллион долларга тушади, бироқ ҳар йили 1,1 миллион доллардан кўпроқ маблағни тежайди. Бу мамлакатда давом этаётган энергетика инқирози фонида айниқса муҳим.
Янги юқори технологияли қамоқхона нафақат жамоат тартибини, балки бюджетни ҳам тежайди, — деди мамлакат пенитенсиар тизимини назорат қилувчи Буюк Британия адлия вазири ўринбосари Демиан Хиндс.
Янги ахлоқ тузатиш муассасаси Лондондаги Wormwood Scrubs қамоқхонасига қараганда 78 фоиз кам энергия сарфлайди. Бу йил Веллингборода очилган юқори технологияли Фиве Wеллс қамоқхонасидан уч баравар кам энергия сарфлайди.
Расмийларга кўра, янги жазони ўташ муассасасининг қурилиши атмосферага карбонат ангидрид газини чиқаришни ҳам камайтиради.
Маълум қилинишича, 164 нафар маҳаллий аҳоли деворлари 5 метрлик экологик тоза қамоқхона қурилишига қарши петицияга аллақачон имзо чеккан.
Изоҳ (0)